بە ڕاپۆرتی ئاژانسی هەواڵی مێهر، ئەمینداری گشتی نەتەوەیەکگرتووەکان لە پەیامێکدا بۆ سەرۆک کۆماری ئێران، بە پیرۆزبایی بەسەرۆک بوونی سەید ئیبراهیم ڕەئیسی، ڕایگەیاند: نەتەوەیەکگرتووەکان و ئەمن وەکوو خۆم لەسەر کار کردنی لەگەڵ دەوڵەتی نوێی ئێران بە ڕێبەرایەتی ئێوەین بۆ بەدی هێنانی ئاشتی و ئاسایش، گەشەی سەقامگیر و مافی مرۆڤ لە سەرتاسەری جیهان.
لە دەقی پەیامەکەی گۆترێش بۆ سەرۆک کۆماری ئێران هاتووە: بە سەرۆک کۆمار بوونی ئێوە هاوکاتە لەگەڵ سەردەمێکی مەترسیدار بۆ وڵاتەکەتان، ناوچەکە و جیهانیش، هەر ئەو جۆرە کە ئێمە لەگەڵ کێشەگەلێکی زۆر لەوانە پرسی کۆڤێد 19، گۆڕاناکری کەشوهەوا و هەروەها ئاڵۆزیی درێژخایەن و ماڵوێرانکەر لەوانە لە ڕۆژهەڵاتی ناڤین بەرەوڕووین.
سەرچاوە مرۆیی و سروشتییەکانی ئێران سەرمایەیەکن بۆ باشتر بوونی دۆخی خۆشبژێوی هاووڵاتیان و هەروەها خەڵکی جیهان.
لە کۆتایی پەیامەکەشدا هاتووە بۆ بەرەوپێش بردنی بایەخ و ئامانجەکانی جاڕنامەی نەتەوەیەکگرتووەکان لەسەر هاوکاری ئێوە حیساب دەکەم.
Your Comment